Skip to main content

Surah Ali Imran (Afẹ Imran)

Bismillahi Arrahmaan Arraheem

Vh'Eva Ishinẹgba,Ọnọmọli itofa,Ọnọmọli iwa-elemi


1. Alif Laam Meem

2. Ishinẹgba - a vha mẹ emenakaga kẹnẹ lẹ, Ọnọmọli ayẹmẹ, Ọnọmọli iku.

3. L'ọ r'oni ebe kpiale buli ẹ le ELEMI imwagie, n'ọ rọ r'ẹ yẹsẹ khi enekpalo imwagie l'e kia. L'ọ gue r'ebe attora ali ebe injila kpiale.

4. Vh'agbọ nẹlẹ, o kẹ ki irodẹkasẹ n'agbọ. L'ọ ke gue r'oni udegbea (al-kur'ani) kpiale. Imwagie, eni e kafara shi ayaati Ishinẹgba, e laa mẹ ọbamẹ n'o to. Kuma Ishinẹgba ki Ọnọmọli afu, Ọnọmọli alishọ.

5. Imwagie, a vha mẹ eme n'o gbagba n'Ishinẹgba elemi otọ ali elemi okhuili.

6. L'ọ mama vhẹ shi elemi agu abi o li ghọli ọ.  A vha mẹ emenakaga kẹnẹ lẹ, Ọnọmọli afu, Ọnọmọli alhikma.

7. L'ọ r'oni ebe kpiale buli ẹ le; n'o mwuẹ shi elemi ọli ayaati n'e kala n'e ki inyọ oni ebe ali ewese n'e tsaka ku alo. To, eni e mọli obeghe shi idu vhẹ e rọ khali eme n'e tsaka ku alo, e kẹ mẹ afitina ali uyani n'e la vhọ. Kuma a vha mẹ ọni yẹsẹ uyani ọli kẹnẹ Ishinẹgba. Kuma enemọli iyẹsẹ e liẹ khi: Eyẹ yayi shi ọ, lẹ ku, obọ Onogie eyẹ l'o te bale. Kuma a vha mẹ ọni ọ laa sato kẹnẹ enemọli ẹgbẹ.

8. Onogie eyẹ, imẹ zẹ khi idu eyẹ beghe itsike n'u she r'odẹ kasẹ eyẹ. Kuma r'itofa n'o la ẹ vh'obọ somi eyẹ ofa. Giẹ ki Ọsomofa.

9. Onogie eyẹ, u laa gada agbọ n'ogbẹlẹ n'idueva o vha la vhọ. Imwagie Ishinẹgba ọ vha defa aa shi awada.

10. Imwagie, eni e kafara; ẹfue vhẹ ali ivhiẹ vhẹ e vha laa tumi vhẹ aga obọ Ishinẹgba pẹ. Ena ki ikpami-erẹ n'e laa la elemi owerẹ.

11.

Comments

Post a Comment

Popular posts from this blog

SURAH FATIHA (ỌTUGIODẸA))

1. Vh'eva Ishinegba; n'ọ mọli ivha-elemi, n'ọ mọli itofa 2. A chichi Ishinegba n'Ogie agbọ 3. N'ọ mọli ivha-elemi, n'ọ mọli itofa 4. Ọba ogbẹlẹ iguẹzọ 5. Giẹ l'eyẹ  aa ga; kuma Giẹ l'eyẹ aa lema ikpagiẹ 6. R'ugie n'o dia kasẹ eyẹ 7. Ugie eni u kiẹlẹ ọsomẹ na 8. Akhi ugie eni u she mọfu vhẹ, kokua eni e she dodẹ
Post a Comment
Read more

SURAT AL-BURUJ (EGADAGA)

 Mi r'idane n'o mọli egadaga bigẹ ​Ali ogbẹlẹ n'a wada ​Ali ọnọmẹ ali emenamẹ ​E shagua - eni agbọ ilimi ​N'o mọli erali n'o vọ ali icherali Ishi n'e rọ shitọ gasẹ ọli ​Kuma ee mẹ eme n'ee li eneyayi Kuma a vha mẹ eme n'o rẹ vhẹ mọli ibishelemi vhẹ kẹnẹ tirali khi e yayi shi Ishinẹgba n'ọ ki  Ọnọmọli izemi n'ọ ki Ọnakhakpẹmi N'ọ mọli egie eda ali ekẹ, kuma Ishinẹgba ọ   aa mẹ ẹtsẹkẹ ku Eni e r'emọse ali ikpotso n'e yayi mẹ ẹchọ, kuma e vha tuba, e laa mẹ ọbamẹ ajahannama, kuma e laa mẹ ọbamẹ erẹ itosẹa Imwagie, eni e yayi n'e ke kiẹli onagie, e laa mọli aljanna n'ekẹ e te olọkẹ ọli aa na. Oyọ ki inimi n'o fu Imwagie, imwumi Ogie ẹ o ma ze Imwagie, l'ọ ki Ọnọagbasẹ n'ọ ki Ọsheshekiẹ Kuma l'ọ ki Ọgbekhua n'ọ ki Ọnọmọli uyẹmẹ N'ọ mọli arishi n'o biji ​N'ọ ki Ọkiẹli- abi ọ nono ​O she rami vhẹ? - okhẹ eni isoja Nitsẹ Ifirauna ali Athamuda? ​Ama eni e ki ikafiri e la elemi ichiami Kuma Ishinẹgba ọ te...
Post a Comment
Read more