SURAT AL-FIL INI Vh'eva Ishinẹgba n'ọ mọli ivha-elemi n'ọ mọli itofa 1. U vha mẹ ne abi ogie ẹ ọ li enemọli ini? 2. Ọ vha khu omasẹ vhẹ shi afuẹ? 3. O gie ifele ababili buli vhẹ le 4. N'e r'echẹ aga elemi isijjili gbolo vhẹ 5. Ọ khe rẹ vhẹ mele nabi ebuli n'elami e le kẹsẹ. SURAT QURAYSH ẸDẸ IKURESHI Vh'eva Ishinẹgba n'ọ mọli ivha-elemi n'ọ mọli itofa 1. Na ikhẹmi ẹdẹ ikureshi 2. Ikhẹmi vhẹ vhi okhiali oruẹ ọfọ ali oruẹ ulili 3. Tirali ona, e ga ogie oni owa ona 4. N'ọ r'emenaale na vhẹ le elemi okiami, n'o r'ọfọmegbe na vhẹ elemi ulishi. SURAT AL-KAWTHAR ABUDU Vh'eva Ishinẹgba n'ọ mọli ivha-elemi n'ọ mọli itofa 1. Eyẹ she mẹ mwu abudu na ẹ 2. Ishi-ọyọ sana na Ogie ẹ, u gbe ileya 3. Ọni ọ ka ẹ l'ọ khi ọni a laa ki fia SURAT AL-KAFIRUN IKAFIRI Vh'eva Ishinẹgba n'ọ mọli ivha-elemi n'ọ mọli itofa 1. Liẹ: vhẹvhẹ ni vha khi ikafiri 2. I maa ga eme ni vhaa ga 3. Kuma vha vhaa ga eme ni mi aa ga 4. Kuma i maa ga e...